Hum se mat puch rastay ghar ke

Hum se mat puch rastay ghar k
hum musafir hain zindagi bhar ke

kon suraj ki aankh se din bhar
zakham ginta hai shab ki chadar ke

sulah kar li yeh soch kar main ne
mere dushman na the barabar ke

khud se khemay jala diye main ne
hoslay dekhna they lashkar ke

yeh sitaray yeh tottay motti
aqs hain maray didaye tar ke

gar junoo maslehat na aapnaye
sar se rishtay bohat hain phatar ke

hum bhi chuntay they sipiyan aksar
hum bhi maqrooz hain samandar ke

aankh ke gird matami halqay
saye jesay jalay huwe ghar ke

doston ki zubaan to khulney do
bhool jao ge zakham khanjar ke

chand bhi zard par gaya aakhir
ujray aangan main roshni kar ke

aankh nam bhi karo to bas itni
rang pheekay parain na manzar ke

kajkalon se lar gaye mohsin
hum bhikari hussain ke dar ke
'Mohsin naqvi shayari'

ہم سے مت پوچھ راستے گھر کے
ہم مسافر ہیں زندگی بھر کے

کون سورج کی آنکھ سے دن بھر
زخم گنتا ہے شب کی چادر کے

صلح کر لی یہ سوچ کر میں نے
میرے دشمن نہ تھے برابر کے

خود سے خیمے جلا دیے میں نے
حوصلے دیکھنا تھے لشکر کے

یہ ستارے یہ ٹوٹتے موتی
عکس ہیں میرے دیدہء تر کے

گر جُنوں مصلحت نہ اپنائے
سر سے رشتے بہت ہیں پتھر کے

ہم بھی چنتے تھے سیپیاں اکثر
ہم بھی مقروض ہیں سمندر کے

آنکھ کے گِرد ماتمی حلقے
سائے جیسے جلے ہوئے گھر کے

دوستوں کی زباں تو کھلنے دو
بھول جاؤ گے زخم خنجر کے

چاند بھی زرد پڑ گیا آخر
اُجڑے آنگن میں روشنی کر کے

آنکھ نم بھی کرو تو بس اتنی
رنگ پھیکے پڑے نہ منظر کے

کجکلاہوں سے لڑ گئے محسن
ہم بھکاری حسین کے در کے
(محسن نقوی اردو شاعری)